Պեղումների ժամանակ հնագետները հնագույն ատամ են գտել

Պեղումների ժամանակ հնագետները հնագույն ատամ են գտել

14.01.2013

Չելյաբինսկի մարզի Աշա քաղաքի մոտ գտնվող քարանձավում պեղումների ժամանակ հնագետները հնագույն վայրենակերպի ատամ են գտել։ Այդ մասին հայտնել է ՌԳԱ Ուրալի մասնաճյուղի բույսերի եւ կենդանիների բնապահպանության ինստիտուտի պալեոէկոլոգիայի լաբորատորիայի վարիչ Պավել Կոսինցեւը։

 

Ուրալցի գիտնականը հայտնել է, որ հատուկ ուսումնասիրություններ չեն կատարվել, սակայն, ըստ նախնական գնահատումների, ատամը կարող է լինել 120 հազար տարեկան: Դա միջսառցե ժամանակաշրջանն է, որը նման է ներկայիս եղանակին: «Իսկ քանի որ դա վայրենակերպ է, ուրեմն ավելի տաք է եղել, քանի որ դրանք մեր ժամանակներում չկան », - նկատել է գիտնականը:

 

Կոսինցեւը հավելել է, որ նախկինում Ուրալում վայրենակերպի մնացորդներ չէին հայտնաբերվել: Համարվում էր, որ կենդանին ապրել է հարավային տարածքներում, գրում է «Վեչերնյայա Մոսկվան»:

 

Տվյալ քարանձավում նախկինում էլ են հանդիպել բացառիկ գտածոներ, այդ պատճառով էլ գիտարշավը նախօրոք ծրագրված էր: Գիտնականները այդտեղ գտել են նաեւ հնագույն փորսուղի եւ կուղբի մնացորդներ: Նրանք կարծում են, որ դա գիշատչի որջ է եղել՝ գայլի կամ աղվեսի, որոնք կերել են այդ կենդանիներին, իսկ մնացորդները պահպանվել են քարանձավում:

Բոլոր Նորությունները




© 2024 Zub.am - Հայաստանի ատամնաբուժարաններ Բոլոր իրավունքները պաշտպանված են: