Պարոդոնտիտի առաջին նշանը հետևյալն է. ատամների մաքրման ընթացքում լնդերը սկսում են արնահոսել

Հաճախ հանդիպող հիվանդություն է, որն ունենում է լուրջ հետևանքներ: Պարոդոնտիտի  հիմնական պատճառները թաքնված են մարդու գենետիկայի մեջ: Այսինքն` այն հիմնովին բուժելը հնարավոր է միայն գենետիկ մակարդակով: Դա ապագայում, իսկ այժմ մենք գտնվում ենք ներկա ժամանակներում և անհրաժեշտ է բուժել այդ հիվանդությունը, հակառակ դեպքում ծանր հետևանքները կարող են լինել: Եթե պերիոդոնտիտը աչքաթող անեք, ապա կարող եք կորցնել բոլոր ատամները, քանի որ այն ոչնչացնում է ատամի կապը ոսկրի հետ: Պարոդոնտիտի  առաջին նշանը հետևյալն է. ատամների մաքրման ընթացքում լնդերը սկսում են արնահոսել:

Շատերն այս փաստին կարևոր նշանակություն չեն տալիս, և` իզուր: Հիշեք` ինչքան շուտ սկսեք հիվանդության բուժումը, այնքան շատ կլինի ատամաների պահպանման հավանականությունը: Հիվանդության հետագա ախտանիշներն են` ատամների շարժունակությունը և բերանի տհաճ հոտը:

Պարոդոնտիտի ռիսկային գործոնները

Ատամնաքարը  լրջորեն վնասում է լնդերը և նպաստում հիվանդության առաջացմանը: Մանրէները, որոնք «բնակվում» են ատամնաքարի ծակոտկեն կառուցվածքում, արտադրում են տոքսին` ավելի բարդացնելով հիվանդությունը: Ցավոք, միայն ատամների ամենօրյա մաքրելը կարող է  բավարար չլինել հիվանդության կանխարգելման համար: Ամենաքիչը տարեկան երկու անգամ պետք է հաճախել բժշկի` ատամների մանրամասն  մասնագիտական մաքրման և պրոֆիլակտիկ միջոցառումների համար:

Պարոդոնտիտի առաջացման պատճառ կարող է հանդիսանոալ ատամների անորակ պլոմբավորումը: Դրանք վնասում են լնդերը, ինչպես նաև նպաստում են ատամների արանքում սննդի մնացորդների կուտակմանը, ինչն էլ լնդերի հյուսվածքներում առաջացնում է քրոնիկ բորբոքային պրոցեսներ: Սխալ պատրաստված պսակները նույպես կարող են  պարոդոնտիտի առաջացման պատճառ հանդիսանալ: Անորակ ծայրերով պսակը սեղմում է լինդը, ինչի արդյունքում այն կապտում է և խախտվում է արյան շրջանառությունը: Այս դեպքերում պսակի և ատամի միջև առաջանում է «գրպան», որտեղ կուտակվում են ուտելիքի մնացորդները, որոնք քայքայում են ատամների հյուսվածքներն ու լնդերը: Արդյունքում ստացվում է, որ պսակը, որը նախատեսված էր ատամի պահպանման համար, աստիճանաբար քայքայում է այն: Ուստի հնարավորինս արագ կերպով հարկավոր է դրանք փոխարինել  որակյալ, ճշգրիտ չափերի պսակներով` հաշվի առնելով բերանի խոռոչի լորձաթաղանթի վիճակը: