«ՆՈՐԱՐԱՐ ԼՈՒԾՈՒՄՆԵՐԸ ՍՏՈՄԱՏՈԼՈԳԻԱՅՈՒՄ» ֆորում Երևանում

Եթե Դուք  ընդհանուր ստոմատոլոգ եք, դիմածնոտային վիրաբույժ եք, օրթոպեդ եք կամ ատամնատեխնիկ  եք և ուզու՞մ եք պարզաբանել հետևյալ հարցերը.

• պլանավորումը ստոմատոլոգիայում, օգտագործելով ավանդական մեթոդները և կոմպյուտորային ձևավորումը,
• շաբլոնների միջոցով ոչ ինվազիվ վիրաբուժության (իմպլանտացիայի) առավելությունները և հնարավորությունները,
• հյուսվածքների լավացման առանձնահատկությունները,
• պացիենտի վարումը և ժամանակավոր պրոթեզավորման առանձնահատկությունները,
• քննարկել ցիրկոնի երկօքսիդից անհատական աբատմենտների պատրաստման կարգը և CADCAM տեխնոլոգիաների օգտագործումը,
• գեղագիտական պրոթեզավորման, վինիրների և պսակների պատրաստման ժամանակ հատուկ ուշադրություն է դարձվում հակադարձ պլանավորման վրա, այսինքն, տեխնիկի կողմից հատուկ մոմերով իրականացվում է ձևավորում և էսթետիկ մոդելների ստացում, ապա այդ էսթետիկ ձևավորման տվյալների տեղափոխումը բերանի խոռոչ և պացիենտի հետ արդյունավետ շփման ապահովումը: Կքննարկվի ատամների հղկման առանձնահատկությունները, սիլիկոնե ինդեքսների ստացումը, եզրային հարթակի ձևը և մակարդակը:
• քննարկել ամբողջական անատամության ժամանակ վիրաբուժական և օրթոպեդիկ վերականգման փուլերը, անհապաղ իմպլանտացիայի  և  իմպլանտանտը վաղաժամ բեռնելու պլանավորման առանձնահատկություները:

Ապա հրավիրում ենք Ձեզ մասնակցելու “ՆՈՐԱՐԱՐ  ԼՈՒԾՈՒՄՆԵՐԸ  ՍՏՈՄԱՏՈԼՈԳԻԱՅՈՒՄ’ ֆորումին.

• երբ և որտեղ.  2014թ-ի փետրվարի 22-ին, ժամը 10:00-16:00 (սուրճի ընդմիջումով), Մ. Հերացու անվան ԵՊԲՀ նիստերի դահլիճում,

• հիմնական թեման. “Նորարար մոտեցումները ռեկոնստրուկտիվ և էսթետիկ պրոթեզավորման ժամանակ”,

• զեկուցողը. Արամ Լենսերի Դավիդյան (“Ավրորա” կլինիկայի գլխավոր տնօրեն, Մոսկվա),

• վճար. մասնակցությունը անվճար է,

• ինչպես մասնակցել. անհրաժեշտ է մինչև 2014 թ.-ի փետրվարի 20-ի ժամը 13:00-ն լրացնել այս առցանց դիմումը: Ձեր մասնակցության հաստատումը կստանաք մինչև փետրվարի 20-ի ժամը19:00-ն` ձեր կողմից նշված կապի միջոցով: