Ատամները հնարավոր կլինի բուժել առանց ներարկումների

^25.01.2016

Սան Պաուլոյի համալսարանի (Բրազիլիա) գիտնականներն անզգայացման նոր միջոց են մշակել, որը ներարկում չի պահանջում: Այդ մշակումը կուրախացնի բոլոր հիվանդներին, որոնք վախենում են ատամնաբույժի մոտ գնալ, որովհետեւ ատում են ներարկումները:

Բժիշկ Ռենատա Ֆոնչեկա Վիաննա Լոպեսը եւ իր գործընկերները ասեղների փոխարեն գերադասում են իոնոֆորեզ օգտագործել. մշտական հոսանքի աղբյուրը հնարավորություն կտա մեծացնելու տեղային անզգացնողների, օրինակ` լիդոկայինային գելի արդյունավետությունը: Այդ մեթոդի օգնությամբ հնարավոր կլինի դեղամիջոցները լրիվ անցավ մտցնել օրգանիզմ, ինչի շնորհիվ ատամների բուժման գործընթացը պակաս սարսափելի կլինի: Ավելին, իոնոֆորեզի կիրառումն անհամեմատ ավելի անվտանգ է, քան ներարկումը. Անզգայացման նման մեթոդի դեպքում վարակ մտցնելու ռիսկը զգալիորեն նվազում է:

Գիտնականները կենդանիների վրա արդեն հաջողությամբ փորձարկել են իրենց մշակումը: Հետազոտությունները ցույց են տվել, որ նոր սարքն օգնել է 12 անգամ մեծացնել անզգացնող նյութի ներթափանցումը: Այժմ հեղինակները պիտի մեթոդը փորձարկեն մարդկանց վրա:

Հետազոտողները չեն բացառում, որ իրենց մշակած միջոցը կկիրառվի ոչ միայն ստոմատոլոգիայում, այլեւ բժշկության այլ ոլորտներում:

Բոլոր Նորությունները

Ատամնաբուժարաններին